Obra
Litelaria
“Manajementu Projetu”
Kria Husi :
Naran :Anacleto Madeira
N
R E :21401006
Semester :
V
Departamentu : Enjeñaria Informátika
Mateira :
Software Engineering
INSTITUTO
PROFISSIONAL DE CANOSSA
(
IPDC )
2016
LIA MAKLOKEN
Liu
husi biban ida ne’e hakerek nain ne’ebe mak hamahan aan iha Instituto Profissional
De Canossa ( IPDC), ho laran to mak hakarak agradese ba Aman Maromak nudar
kriatura hotu nia nain ne’ebe haraik grasa espíritu matenek nian mai hau hodi hakerek
obra ida ne’e ho nia titulu “ Manajementu Projetu ” maski sei falta
lia fuan balu maibe konsege remata ho sussesu.
Nomos
iha momentu ida ne’e hakerek nain la haluha agradese mos ba Dosente António Soares, S.Kom. ne’ebé lori
mateira Software Engineering hodi akompaña ona ami
no sai mos hanesan matadalan iha prosesu aprendizazen nia laran tomak, hodi abilita
no motiva nafatin ami ida-idak hodi halo obra ruma hodi nune’e ami mos bele sai
Estudante ne’ebe mak Professional iha ami
nia estudu rasik. Ho fiar metin katak ho obra ida ne’e sei lori ami ba sussesu iha
ami nia kareira estudu nian iha futuru. Obrigado wain.
Dili, 4 ba Abril ba
2016
Hakerek Nain
KAPÍTULU
I
LIAN DAHULUK
A.
Introdusaun
Manajementu
projetu ne’e hanesan Disiplina ba materia ida iha tinan 1950 nian liu ba,
Amerika hanesan nasaun ne’ebé primeira vez uza mateira manajementu projetu. Henry Gantt sai hanesan aman ba mateira
ne’e tanba nia mak hahú implementa , mateira manajementu projetu, iha mos naran ne’ebé tuir deit
metode ne’ebé uza, hanaran “Gantt Chart”.
Presiza hatene katak estuda manajementu projetu ne’e la susar susar ida
tanba iha laran ne’e koalia deit fraze sira ne’ebé mak ita ema lor-loron hasoru
iha maibe aumenta deit logika no la’o tuir regras ne’ebé espesifiku. Kuandu
bazeia fali ba projetu ne’e esforsu ida ne’e bé mak hahú to’o remata iha
akoñtesimentu ida, ne’ebé iha nia kriteira rasik ba tempu, osan ho ambiente
ne’ebé presiza husi Benefisiariu sira.
Haree ba ema nia moris ne’ebé
dezenvolvidu tebes, iha era teknolojia ohin loron nian lais liu ho komplesu
projetu ne’ebé hala’o serbisu hodi involve mos ema iha ambiente ida hodi forma
forsa fiziku, material ho mos despeza ne’ebé aumenta bo’ot liu tan. Iha
mos direjente ne’ebé mak metin liu iha
kompetisaun kontrolu projetu hodi atinji mehi povu nian no bele mos presiza
maneira kontrolu ba metode tekniku ne’ebé diak liu tan atu nune’e ema ne’ebé
hala’o serbisu iha ambiente ne’e ho efisensia no efetivu ba presiza tomak iha
manajemenetu projetu refere. Ho lia fuan seluk projetu buras tanba buka suporta
besik liu ba kontrolu ne’ebé sai lolos ezizensia ho karakteristika atividade
projetu nian, iha atividade ne’ebé dinámika ho diferensia nomos atividade
operasional rutin ( Ba mai).
B.
Faktu ba
Problema sira
Iha ne’e hakerek nain sei foti kestaun
balu ne’ebé sai hanesan problema hodi dezafia hakerek nain hodi buka solusaun
ba problema hirak ne’e. Problema hirak ne’e mak :
§ Saida mak
Manajementu ?
§ Saida mak
projetu ?
§ Saida mak
manajementu projetu ?
§ Oinsa halo
planu no buka hatene
faillansu sira ne’ebé mak mosu iha projetu sira ?
C.
Objetivu ho
Benefisiu
Objetivu ho benefisiu estuda husi manajementu projetu ba obra
litelaria ne’e mak
ami halo hanesan :
§ Hodi buka
hatene no kompriende definisaun-definisaun manajementu, projetu ho manajementu
projetu.
§ Buka hatene
lalaok planu ba projetu sistema informasaun.
§ Buka hatene
metodologia geral ba kontrolasaun projetu (Metode Generiku)
§ Atu hasa’e
koñesimentu intima siensia nian kona ba aspetu hotu iha atividade manajementu
projetu nian.
§ Abilita no
prepara ami atu Hala’o projetu ruma.
§ No fiar katak
obra litelaria ne’e sei fo benefisu ba ita hotu ne’ebé mak le hodi komprende
mos kona ba manajementu projetu.
KAPÍTULU II
PROBLEMATIZASAUN
A.
Definisaun
Manajementu Projetu
1.1
Manajementu
Manajementu mak hanesan atividade
ne’ebé tuir ninia planu, organizasaun, lalaok ba determinasaun no lidera nomos
sai ukun ne’ebé halo kontrolu ba ambiente ne’ebé soin ba organizasaun ho
efisiensia hodi to’o nia objetivu. Iha
Parte seluk Manajementu mos hanesan prosesu ida ba hanoin iha ne’ebé individu
hanesan parte ida husi organizasaun ne’ebé involve hodi halo planu, organiza,
la’o tuir prosedimentu legal no haree ba atividade sira ne’ebé tama ona iha
kategoria ba serbisu hala’o direitamente bei-beik ba bei-beik la’o tuir tempu
ne’ebé mak determina ona. Atu prosesu manajementu la’o ho diak, presiza kria
sistema iha estrutura organizasaun nian ne’ebé mak metin ka solidu.Ba
organizasaun refere iha atividade hotu tenki tuir orientasaun atu nune’e bele
to’o nia
alvu (tarjetu).
Organizasaun ne’e nia funsaun hanesan halibur no hamoris
hodi jere tempu, konseptu, idea-idea manajementu. Tan ne’e bele dehan katak
manajementu hanesan lalaok ida ne’ebé ema hotu tau iha reponsabilidade ida-idak
nian ne’ebé iha relasaun metin liu ho sira seluk.
Ba organizasaun refere iha atividade hotu tenki tuir orientasaun atu nune’e
bele to’o nia tarjetu.Organizasaun ne’e nia funsaun hanesan halibur no hamoris
hodi jere tempu, konseptu, idea-idea manajementu. Tan ne’e bele dehan katak
manajementu hanesan lalaok ida ne’ebé ema hotu tau iha reponsabilidade ida-idak
nian ne’ebé iha relasaun metin liu ho sira seluk.
1.2
Projetu
Projetu hanesan atividade provizoriu
ne’ebé hala’o ka fó direitamente ba tempu ne’ebé iha limitasaun no alokasaun
ambientetal refere ho nia razaun hodi fó rezultadu ba produtu (deliverable)
tuir nia kriteira ne’ebé marka ona ho klaru. Projetu hanesan serbisu iha atividade ida
ne’ebé hala’o tuir ezizensia husi owner ka soin ba projetu ne’ebé hakarak
atinji objetivu refere no hala’o husi trabaladór tuir owner ka soin ba projetu
nia hakarak ho espesifikasaun ne’ebé iha. Iha projetu nia laran hala’o tuir soin
ba projetu nia hakarak no trabaladór iha dever atu halo tuir knaar ne’ebé tuir
duni kontratu ba determinasaun tempu ne’ebé mak halo ona konkordansia entre
soin ba projetu ho trabaladór. Projetu hetan mosdimensaun bo’ot no ki’ik atu
nune’e presiza halo tuir tempu ne’ebé mak determina ba projetu lais no kleur
tuir kontratu ne’ebé iha.
Ezemplu ba projetu iha
mundu IT nian hanesan hetan pertim matenek nain software iha kompañia software
house, sira iha espesialidade ba halo aplikasaun accounting, no sira hetan orden
hodi halo aplikasaun refere husi kliente balun maibe antes ne’e halo tiha
akordu kona ba problema selu osan ho aspetu balu.
1.3 Manajementu Projetu
Manajementu projetu
hanesan parte ida husi siensia, Arte, sasan ho tekniku ba atividade projetu
nian atu nune’e lao tuir regulamentu ho nessesiidade husi projetu hotu. Prosesu
husi manajementu projetu fahe ba grupu lima (5), iha grupu lima ne’e mak
hanesan : Initiating process, Planning
process, Executing process, Controlling process hoClosing process.
B. Kontestu Manajementu Projetu ho IT
Informasaun Teknólojia
(IT) sai tiha ona espetakulasaun ba atividade fila liman (bisnis) iha mundu.
Investe ho mudansa teknólojia informasaun hanesan fenomena ida ne’ebé fiar
metin iha suspetu fila liman sei aumenta valor kresimentu ekónomia
sustentavel.Fenomena ne’e sei dudu no atinji hahusuk ba serbisu iha area IT
nian hodi kompete iha teknólojia ida agora ne’e hodi hatan ba nesesiade iha
merkaduria presiza. Edukasaun iha lisaun IT nian ho nia area ne’ebé la hanesan
haree ba mudansa ba estudu nian ne’ebé aumenta barak liu tan, Produtór IT diak
ba hardware nomos ba software sempre inovativu no iha dezenvolvidu ba produtu-produtu
sira. Serbisu iha area IT iha karakteristika ne’ebé espesifiku kompara ho
serbisu non-IT,Parte ne’e haree ba karakteristika IT ne’ebé la kotun entre
atividade organizasaun hotu.
C. GRUPU BA PROSESU MANAJEMENTU PROJETU
1.1 Prosesu Projetu
Projetu
hari husi prosesu balun. Prosesu ba
projetu hala’o husi ema no geralmente hetan mos husi kategoria prinsipal rua
(2) :
1. Prosesu
manajementu projetu iha relasaun ho resposta no iha organizasaun ba serbisu
projetu nian.Prosesu manajementu projetu ne’ebé espair ba projetu bo’ot ruma.
2. Produtu
ba orientasaun nian nia prosesu iha relasaun ho ambiente no kria produtu ba
projetu ruma. Projetu ba orientasaun prosesu ne’ebé sempre iha nia definisaun
husi siklus moris ba projetu no iha variasaun tuir area aplikasaun.
1.2 Prosesu ba Grupu
Prosesu Manajementu
Projetu forma sai grupu lima (5) mak hanesan :
1.
Initiating Processes (Inisia Prosesu).
2.
Planning Processes (Palnu Ba prosesu).
3.
Executing Processes (Ezekuta Prosesu).
4.
Controlling Processes (Controla Prosesu).
5.
Closing Processes (Takan Ba Prosesu).
Grupu Lima(5) inportante ba Proseseu Manajementu Projetu ne’ebé
temi ona iha leten nudar mak hanesan :
1. Initiating
Processes (Inisia
Prosesu), ne'e iha organizasaun hodi hahú faze tuir mai husi
projetu ida.
2. Planning Processes
(Palnu Ba prosesu), mak ida ne’ebé importante ba projetu ida
tanba hala’o ba projetu ne’ebé mak seidauk hala’o antes ne’e. Planu ne’ebé atu hala’o hodi prepara hanesan
fasilidade ba prosesu ho dezenu ba prosesu.
3. Executing
Processes (Ezekuta
Prosesu), ne’e atu hala’o intregasaun ba ambiental hotu ne’ebé
presiza iha prosedur hodi to’o objetivu,
no hala’o tuir saida mak tau tona iha planu hodi hasai orden atu hatan ona ba proposta sira.
4. Controlling
Processes (Controla
Prosesu), Hodi haree no monitoring ba mudansa projetu nomos halo
identifikasaun ba lalaok tomak ne’ebé mak lao tuir prosedimentu ne’ebé mak kria
tona iha antes ne’e.
5. Closing
Processes
(Takan Ba Prosesu), hala’o formalizasaun rezultadu ba projetu
produtu, serbisu ka rezultadu husi projetu refere to’o ona nia rohan ka atinji ona nia objetivu.
D.
Difikuldade ne’ebé akoñtese
Manajementu projetu tenki
halo adaptasaun ba mudansa sira, tanba la iha projetu ida ne’ebé mak hetan
100% no la’o tuir los ho planu sira.Haree ba
relasaun ho serbisu ema manajer nian, tan ne’e presiza iha area kbiit ka forsa
ne’ebé soin husi ema manajer
nian mak : Lidera, maneija ema (Konsumidór, suplier, manajer husi kolega ka
staf), komunikasaun, negosiasaun, planu,maneija kontratu, buka fó solusaun ba
problema no hanoin ne’ebé mak kreativu. Iha mos faillansu no difikuldade ne’ebé
sempre mosu iha kontrolasaun ba projetu hodi difikulta prosesu ne’ebé mak la’o.
Difikuldade ne’ebé dala ruma akoñtese iha projetu ida nia laran mak hanesan
tuir mai ne’e :
1) La iha Komunikasaun ne’ebé la’o diak
(Poor communication)
2) Hala’o konkordansia ne’ebé la klaru
ka inparsialidade.
(Disagreement)
3) La kompriende lalaok planu nian
(Misunderstandings).
4) Ambiente la suporta (Bad weather)
5) Husik serbisu (Union strikes)
6) Konflitu privadu (Personality conflicts)
7) Manajementu ne’ebé la’o la diak
(Poor management)
8) Difinisaun ba tarjetu ho objetivu ne’ebé
la klaru (Poorly defined goals and objectives)
LIAN
MAKTAKAN
A. Rezumu/Konkluzaun
Manajementu projetu ne’e hanesan Disiplina ba materia ida ne’ebé hala’o iha tinan 1950 nian liu ba, Amerika
hanesan nasaun ida ne’ebé
primeira vez uza mateira manajementu projetu. Manajementu mak hanesan atividade
ne’ebé tuir ninia planu, organizasaun, lalaok ba determinasaun ho lidera nomos
sai ukun ne’ebé halo kontrolu ba ambiente ne’ebé soin ba organizasaun ho
efisiensia hodi to’o nia objetivu. Manajementu
projetu hanesan parte ida husi siensia, Arte, sasan no
tekniku ba atividade projetu nian atu nune’e lao tuir regulamentu ho nessesidade
husi projetu hotu. Projetu hanesan serbisu iha atividade ida ne’ebé hala’o tuir
ezizensia husi owner ka soin ba projetu ne’ebé hakarak atinji objetivu refere
no hala’o husi trabaladór tuir owner ka soin ba projetu nia hakarak ho
espesifikasaun ne’ebé iha.
B. Lia
Tatolin
Liu husi biban ida
ne’e hakerek nain ne’ebé hamahan an iha Instituto Profissional De Canossa
(IPDC) hakarak hato’o katak :
- §
Iha
obra litelaria ne’e lia fuan balu sei sala
- §
Litelaria
ne’e mos hakerek nain foti referensia maioria husi Internet dala ruma iha definisaun balu la klaru ka
la’o sees husi definisaun manajementu projetu
- §
Bele
mos la la’o tuir sistemátika forma litelaria nian
- §
Ba faillansu sira ne’e hotu sai hanesan
referensia ida ba hakerek nain ne’ebé mak kria obra litelaria ne’e hodi dezafia
nafatin hakerek nain atu prepara diak iha futuru.
